méksikada bir yük aptomobilida qanunsiz köchmenler tutuldi

méksikaning wérakruz ishtatida bir yük aptomobilida 310 qanunsiz köchmen tutuldi.

1822398
méksikada bir yük aptomobilida qanunsiz köchmenler tutuldi

türkiye awazi radiyosi xewiri: méksika taratquliridiki xewerlerde bildürülishiche, saqchilar wérakruz-puébla tashyolidiki may qachilash ponkitida toxtitilghan yük aptomobilini daimliq normal xizmiti dairiside tekshürgen. tekshürüshte yük aptomobilidiki 310 qanunsiz köchmen qolghan chüshken. bularning ichide 115 ayal bar iken.

köchmenler salametlik tekshürüshi üchün doxturxanigha apirilghan bolup, bu jeryanda 21 kishining salametlikining éghirliqi, ikki ayalning hamildar ikenliki bayqalghan.

mesul xadimlarning bayanatida, köchmenlerning ottura we jenubiy amérikadin kelgenliki bildürüldi.

qeyt qilinishiche, méksikada  2021-yili 114 mingdin artuq chet ellik chégradin chiqiriwétilgen bolup, shu yili 131 ming 448 kishi méksikada köchmenlikke iltimas qilghan. bulardin 51 ming kishi haytiliq iken.

öz döletliridiki zorawanliq, ishsizliq we kembeghellik qatarliq mesililer sewebidin yaxshi turmushqa érishish meqsitide amérikagha bérishqa intilgen köchmenler, köpinche adem etkeschilirining qoligha chüshidu. yillardin buyan ottura amérikadin yolgha chiqqan nurghun köchmenler giwatémala we méksika arqiliq amérikagha bérishqa tirishmaqta.



مۇناسىۋەتلىك خەۋەرلەر