ukrainada yéngi dunyagha kelgen bowaqlargha tanka atarlarning ismi qoyulushqa bashlighan

türkiye awazi radiyosi xewiri: amérika pirézidénti jo baydin ukrainagha ewetilidighan jewélin tanka atarliri yasilidighan lokid martin  fabrikasini ziyaret qilip, bu tanka atarlarning 24-féwraldin (2022) buyan dawamlishiwatqan ukraina-rusiye urushidiki ehmiyiti üstide toxtaldi.

pirézidént jo baydin amérika qoral shirkiti lokid martinning alabama ishtatigha jaylashqan jewélin tanka atar fabrikasini ziyaret qildi.

u amérikaning bügüngiche ukrainagha minglarche tanka atar ewetkenlikini, buningdin kéyinmu dawamliq ewetidighanliqini tekitlep, amérikaning ukrainagha qiliwatqan mudapie yardemlirining urushta alahide rol oynighanliqini bildürdi.

u: «ukrainada yéngi tughulghan bowaqlargha jewélin we jawélina dep isim qoyuluwatidu» dédi.

u rusiyening ukrainada nurghun urush jinayetlirini ötküzgenlikini eskertip, bügünki künde dunyada diktator tüzümler bilen démokratik tüzümler otturisida keskin urushning yüz bériwatqanliqini qeyt qildi.

u mundaq dédi:

«diktatorlargha bügün qarshi turmisanglar, tarix boyiche ular hakimiyet béshigha kélip, özini dawamliq küchlendüridu.»

u lokid martin qoral shirkitining xizmetchilirige teshekkür éytip: «ukrainagha urushta ghelbe qilishi üchün purset yaritip bériwatisler» dédi.