türkiye afghanistangha teziye bildürdi

türkiye afghanistanning mazar shérif shehiride ikki aptomobil nishan qilinghan partlashlarda hayatidin ayrilghanlar üchün teziye bildürdi.

1820221
türkiye afghanistangha teziye bildürdi

türkiye awazi radiyosi xewiri: türkiye tashqi ishlar ministirliqi teripidin bu heqte élan qilinghan yazma bayanatta, mundaq déyildi: «afghanistanning mazar shérif shehiride ikki aptomobil nishan qilinghan partlashlarning köp sanda kishining jénigha zamin bolghanliqi we yarilandurghanliqidin tolimu epsuslanghan halda xewer taptuq.»

yéqinqi mezgillerde afghanistanda térrorluq hujumlirining köpiyip kétiwatqanliqi eskertilgen bayanatta, mundaq déyildi: «afghanistanda yéqinqi mezgillerde köpiyip kétiwatqan bu insan qélipidin chiqqan térrorluq hujumlirini qattiq eyibleymiz, jawabkarlarning adalet aldida jazagha tartilishini we mushuninggha oxshash qilmishlarning tekrarlinishining aldini élish üchün, barliq zörür tedbirlerning qollinishini kütüwatimiz. hujumlarda hayatidin ayrilghanlargha allah taaladin rehmet, ularning yéqin - yoruqliri we qérindash dölet afghanistan xelqige teziye bildürimiz, yarilanghanlargha shipaliq tileymiz.»

afghanistanning mazar shérif shehiridiki ikki minibus békitide yüz bergen  we 9 kishi hayatidin ayrilghan, 13 kishi yarilanghan hujumlarning jawabkarliqini téxiche héchkim öz üstige almidi.

igilinishiche, hujumlar shie yoluchilar olturghan aptomobillarni nishan qilghan bolup, mezkur sheherde aldinqi heptimu bir shie jamesi  hujumgha uchrighan, hujumning jawabkarliqini térrorluq teshkilati daésh öz üstige alghanidi.



مۇناسىۋەتلىك خەۋەرلەر