baydin yaponiye bilen jenubiy koréyede ziyarette bolidu

türkiye awazi radiyosi xewiri: aqsaray bayanatchisi jén psaki yazma bayanat élan qilip: «pirézidént baydin 20-maydin 24-mayghiche jenubiy koréye we yaponiyede ziyarette bolup, hökümetlirimiz, iqtisadimiz we xelqlirimiz otturisidiki alaqini téximu kücheytidu» dédi.

bu ziyaretning baydin hökümitining «ochuq we erkin hindi-tinch okyan» toghrisidiki wedisiningmu bir namayendisi bolidighanliqigha isharet qilghan psaki: «bu ziyaret 12 – we 13 – mayda washingtonda chaqirilidighan amérika-sherqiy jenubiy asiya elliri ittipaqi alahide bashliqlar yighinini öz ichige alghan hindi-tinch okyan bilen yéqinqi bir yildin köprek waqittin  buyan dawamlishiwatqan keskin diplomatiyening mehsuli» dégenlerni qeyt qildi.

baydinning jenubiy koréye we yaponiyelik mensepdashliri bilen körüshidighanliqini bayan qilghan psaki, ziyaret jeryanida döletler otturisidiki munasiwetni yaxshilash, iqtisadiy alaqini kéngeytish we hemkarliqni ashurush qatarliq mesililerning muzakire qilinidighanliqini körsetti.

psaki, baydinning tokyo ziyariti dairiside awstraliye, yaponiye, hindistan we amérikani öz ichige alghan «Quad» guruppisining yighinighimu ishitrak qilidighanliqini sözlirige ilawe qildi.