israiliye bash ministiri bénnét tehdit xéti tapshuruwaldi
israiliye bash ministiri naftali bénnét tehdit xéti tapshuruwalghandin kéyinki bayanatida: «siyasiy sürkülüsh herqanche chongqurlashqan teqdirdimu, zorawanliq, bozek qilish we ölüm tehditi derijisige yetmesliki kérek» dédi.
türkiye awazi radiyosi xewiri: israiliye saqchi dairiliri bash ministir naftali bénnétning öyige ewetilgen we ichide oq musheki chiqqan tehdit xétige qarita tekshürüshning bashlanghanliqini élan qildi.
israiliye döletlik tarqitish idarisi (KAN) ning xewirige asaslanghanda, ranana shehiridiki bénnétning öyige ichide oq musheki bolghan bir tehdit xéti ewetilgen.
israiliye saqchiliri we ichki bixeterlik idarisi shin-bét (shabak) bu xetning kélish menbesini tépish üchün tekshürüshni bashlighan.
ibraniy tilida tarqitish béridighan «Walla News» xewerler tor békitidimu weqedin kéyin bénnét ailisidikilerge qarita qoghdash we bixeterlik tedbirlirining kücheytilgenliki bildürüldi.
israiliye bash ministiri bénnét tiwittér hésabida hembehirligen uchrida, «siyasiy sürkülüsh herqanche chongqurlashqan teqdirdimu, zorawanliq, bozek qilish we ölüm tehditi derijisige yetmesliki kérek» dédi.
