rusiye ukrainagha ewetilgen qoral-yaraghlarning partlitilwétilgenlikini bildürdi

türkiye awazi radiyosi xewiri: rusiye dölet mudapie ministirliqining bayanatchisi igor konashénkow rusiye armiyesining ukrainadiki ehwali toghrisida melumat berdi.

u ukrainadiki nuqtilargha yuqiri téxnikiliq qorallar bilen zerbe bérishning dawamlishiwatqanliqini eskertip: «amérika we yawropa döletliri ukraina armiyesige ewetken nurghun qoral-yaraghlar qoyulghan zaporizhwa alyumin zawutidiki iskilat yuqiri téxnikiliq yiraq musapiliq <kalibr> namliq bashqurulidighan bombilar bilen yoq qilindi» dédi.

u rusiye hawa armiyesining taktikiliq qisimlirining kéche boyiche ukrainaning 59 herbiy nuqtisini bombardiman qilghanliqini bildürüp, bashqurulidighan bomba we zembirek qisimlirining 573 nuqtini ot chembiriki astigha alghanliqini qeyt qildi.

u hawa qalqan mudapie sistémiliri bilen oxshimighan jaylarda ukrainaning 118 uchquchisiz hawa apparati we « U-tochka» namliq bashqurulidighan bombisining yoqitilghanliqini eskertti.

u: «ukraina armiyesining 141 ayropilani, 110 tik uchari, 607 uchquchisiz hawa apparati, 273 hawa qalqan mudapie sistémisi, 2 ming 596 tankisi we bironiwiki, 296 rakéta atari, 1134 zembirek we minamiyoti, 2 ming 413 herbiy aptomobili pachaqlap tashlandi» dédi.