islamabad hindistanning «pakistanda oqumasliq» toghrisidiki chaqiriqigha naraziliq bildürdi

pakistan, hindistanning puqralirigha qilghan toghrisidiki chaqiriqidin epsuslanghanliqini bildürdi.

1817829
islamabad hindistanning «pakistanda oqumasliq» toghrisidiki chaqiriqigha naraziliq bildürdi

türkiye awazi radiyosi xewiri: pakistan tashqi ishlar ministirliqi bayanat élan qilip, hindistan uniwérsitétlargha yardem bérish komitéti bilen pütkül hindistan téxnika maaripi kéngishi bayanatining uslubining oqughuchilargha tehdit sélipla qalmay, yene mustebit hakimiyet puriqi tarqatqanliqini eskertti.

bayanatta, yéngi déhli özining «hindi ulusi» tiklesh burchining bir qismi süpitide dölettiki chékidin ashqan milletchilikni ilgiri sürüsh üchün bu xil qedemlerni tashlighanliqigha isharet qilip ötüldi we buninggha «échinishliq» ehwal dep baha bérildi.

pakistanning, hindistanning puqralirigha qilghan <pakistanda oqumasliq> toghrisidiki chaqiriqidin epsuslanghanliqi tekitlengen bayanatta, islamabadning yéngi déhlining ochuq- ashkara kemsitish herikitige jawab qayturush hoquqini saqlap qalidighanliqi otturigha qoyuldi.

4-ayning 23-küni hindistan uniwérsitétlargha yardem bérish komitéti bilen pütkül hindistan téxnika maaripi kéngishi bayanat élan qilip, pakistanda oqughan puqralarning hindistanda xizmet tépish yaki aliy maariptin behrimen bolushqa layiq emeslikini bildürgen, hemde hindistan puqralirining pakistandiki maarip organlirida oqumasliqi telep qilinghanidi.



مۇناسىۋەتلىك خەۋەرلەر