سۈرىيەنى قوللاش يىغىنى بىريۇسسېلدا چاقىرىلىدۇ
6-قېتىملىق سۈرىيەنى قوللاش يىغىنى 9-10-ماي كۈنلىرى بېلگىيەنىڭ پايتەختى بىريۇسسېلدا ئۆتكۈزۈلىدۇ.
تۈركىيە ئاۋازى رادىيوسى خەۋىرى: ياۋروپا ئىتتىپاقى كومىسسىيونى باياناتچىسى پېتىر ستانو، «سۈرىيە ۋە رايوننىڭ كەلگۈسىنى قوللاش» ناملىق 6 – نۆۋەتلىك بىريۇسسېل يىغىنىنىڭ 9-، 10- ماي كۈنلىرى ئۆتكۈزۈلىدىغانلىقىنى، يىغىنغا ھۆكۈمەت، خەلقئارالىق، رايونلۇق تەشكىلاتلار ۋە پۇقرالار جەمئىيەتلىرىنىڭ ۋەكىللىرىنىڭ قاتنىشىدىغانلىقىنى بىلدۈردى.
يىغىننىڭ خەلقئارا جەمئىيەتنىڭ سۈرىيە خەلقى ۋە ئۇلارغا ياردەم قىلىدىغان دۆلەتلەرگە بەرگەن ۋەدىلىرىنى ئەسلىتىش پۇرسىتى بىلەن تەمىنلەيدىغانلىقىغا ئىشارەت قىلغان ستانو، يىغىننىڭ يەنە، سۈرىيەلىكلەرنىڭ ئاۋازىنى ئاڭلىتىشى ئۈچۈنمۇ بىر پۇرسەت ئىكەنلىكىنى قەيت قىلدى.
مەزكۇر يىغىنلارنى ياۋروپا ئىتتىپاقى بىلەن بىرلەشكەن دۆلەتلەر تەشكىلاتى (ب د ت) بىرلىكتە ئۇيۇشتۇرۇپ كېلىۋاتقان بولۇپ، ئىشتىراكچى دۆلەتلەر ئىقتىسادىي ياردەم بېرىدىغانلىقى توغرىسىدا ۋەدىلەرنى بېرىدۇ.
