rusiye mariyupolni qolgha chüshürgenlikini ilgiri sürdi

türkiye awazi radiyosi xewiri: rusiye xewer agéntliqining bildürüshiche, dölet mudapie ministiri sérgéy shoygu pirézidént putinigha mariyupolning qolgha kirgüzülgenlikini bildürgen.

sérgéy shoygu mariyupolning nöwettiki weziyiti toghrisida putingha doklat sunup, rusiye eskerlirining sheherni kontrol qilghanliqini eskertti.

u 1 ming 478 ukraina eskirining teslim bolghanliqini, mariyupoldiki azowstal fabrikasida hazirghiche 2 mingdin artuq ukraina eskirining barliqini qeyt qildi.

u putingha mariyupoldin 142 mingdin artuq puqraning tarqaqlashturulghanliqini, azowstal fabrikasining bixeter halda qorshawgha élinghanliqini we sheher weziyitining tinch ikenlikini bildürdi.

putin bolsa, mariyupoldiki muweppeqiyet sewebidin sérgéy shoyguni tebriklidi.

putin: «mariyupolni qolgha kirgüzüsh muweppeqiyet hésablinidu. azowstaldin ayrilghan puqralarning hayatiy bixeterlikige kapaletlik qilinidu» dédi.

u mariyupoldiki azowstal fabrikasigha bésip kirilmeslikni, u yerde qoral tashlighan ukraina eskerlirige yaxshi muamile qilishni telep qildi.

putinning fabrikagha bésip kirmeslik, qorshawgha élish buyruqini chüshürgenliki eskertildi.