كونگو دېموكراتىك جۇمھۇرىيىتىدە بىر مەست ئەسكەر يولۇچىلارنى ئوققا تۇتتى

تۈركىيە ئاۋازى رادىيوسى خەۋىرى: كونگو دېموكراتىك جۇمھۇرىيىتى تاراتقۇلىرىنىڭ خەۋىرىگە قارىغاندا، بىر مەست ئەسكەر جەنۇبىي كىۋۇ ئۆلكىسىنىڭ فىزى رايونىغا يېقىن تاڭگانىكا كۆلىگە قاراپ كېتىۋاتقان بىر كېمىدىكى يولۇچىلارغا قارىتىپ ئوق چىقىرىپ، 8 يولۇچىنىڭ جېنىغا زامىن بولغان، 7 يولۇچىنى يارىلاندۇرغان.

ھۇجۇم قىلغۇچى ئەسكەر رايون ئاھالىسى تەرىپىدىن ئۇرۇلۇپ، سۈر – توقاي قىلىنغان.

دۈشەنبە كۈنىمۇ ئىتۇرى ئۆلكىسىدە يەنە بىر مەست ئەسكەر 3 خىزمەتدىشى بىلەن ساقچىخانىنىڭ ئالدىدا تۇرۇۋاتقان 5 پۇقرانى ئېتىپ ئۆلتۈرگەنىدى.