хитай русийә билән истиратегийәлик һәмкарлиқини күчәйтиду

хитай муавин ташқи ишлар министири ле йүчең қандақ болушидин қәтийнәзәр русийә билән истратегийәлик һәмкарлиқни күчәйтидиғанлиқлирини ейтти.

1814976
хитай русийә билән истиратегийәлик һәмкарлиқини күчәйтиду

түркийә авази радийоси хәвири: хитай ташқи ишлар министирлиқиниң билдүрүшичә, хитай муавин ташқи ишлар министири ле йүчең, русийәниң бейҗиңда турушлуқ баш әлчиси андрей иванович денисов билән көрүшкән, учришишта, русийә – хитай мунасивәтлири, районлуқ вә хәлқаралиқ өзгиришләр һәққидә музакирә елип берилған.

ле йүчең, хитай дөләт рәиси ши җинпиң билән русийә пирезиденти виладимир путинниң рәһбәрликидә, хитай билән русийәниң йеңи дәвр үчүн кәң даирилик истратегийәлик маслаштуруш шериклик мунасивәтлирини  үзлүксиз тәрәққий қилдуруватқанлиқини, һәмдә бу һәмкарлиқни охшимиған саһәләрдә чоңқурлаштурушни давамлаштуруватқанлиқини, чүнки, икки дөләт мунасивәтлириниң наһайити зор әһмийәткә игә икәнликини тәкитләп мундақ дегән: «хәлқара сийасәттә қандақ өзгиришләрниң болушидин  қәтийнәзәр, хитай, русийә билән тәң пайда алидиған һәмкарлиқ вә инсанийәтниң келәчики үчүн истратегийәлик маслишишни күчәйтип, икки дөләтниң ортақ мәнпәәтини өзара қоғдап, йеңи бир хәлқара мунасивәтләр вә ортақ җәмийәт бәрпа қилишни илгири сүриду.»

русийәниң бейҗиңда турушлуқ баш әлчиси андрей иванович денисов, русийәнәң һәр даим хитай билән болған мунасивәтлирини тәрәққий қилдурушни өзиниң дипломатик муһим нуқтиси дәп қарайдиғанлиқини, һәмдә хәлқаралиқ һоқуқта баравәрлик вә адаләтни қоғдаш үчүн икки дөләтниң башлиқи бәлгилигән йөнилиштә кәң даирилик истратегийәлик маслаштуруш вә көп йөнилишлик әмәлий һәмкарлиқни техиму чоңқурлаштурушқа тәййар икәнликини билдүргән.



مۇناسىۋەتلىك خەۋەرلەر