gérmaniye: ittipaqning her kiwadrat santimétir zéminini qoghdaymiz

türkiye awazi radiyosi xewiri: gérmaniye tashqi ishlar ministiri annaléna baérbok baltiq déngizi döletliri ziyaritidin ilgiri bayanat élan qilip, rusiyening ukrainagha qarshi bashlighan urush sewebidin latwiye, éstoniye we litwaniyeni téximu küchlük qollaydighanliqliri toghrisida wede berdi.

u: «jiddiy ehwalda ittipaqqa tewe ortaq  zéminlirimizning her kiwadrat santimétirini qoghdaymiz» dédi.

u gérmaniyening shériklirining bixeterlikige kapaletlik qilish üchün téximu köp ishlarni qilishqa teyyar ikenlikini tekitlep, qoral-yaragh, iqtisadiy yardem we bashqa éghir émbargolar bilen,  ukrainaning hayat qélish kürishini qetiy qollaydighanliqini bildürdi.

u rusiye pirézidénti wladimir putinning «kishi hayatigha, xelqara qanungha, öz xelqining hayati we tereqqiyat pursitige hörmet qilmaydighanliqi» ni eskertip, rusiye rehbirining yawropa bixeterlik qurulmisining zor bir qismini weyran qilghanliqini otturigha qoydi.

u yawropa bixeterlikni qayta teshkilleshke töhpe qoshqanliqlirini bildürdi we ittipaq ezalirining gérmaniyege ishench qilsa bolidighanliqini tekitlidi.

gérmaniye tashqi ishlar ministiri baltiq déngizi döletlirining uzun yillardin buyan énérgiye bilen teminlesh we mudapie ishlirining bixeterlikige meblegh séliwatqanliqini tilgha élip, buningdiki sewebning bu döletlerning yillardin buyan rusiyedin ensirep kéliwatqanliqini körsitidighanliqini qeyt qildi.