америкада бир җами һуҗумға учриди
американиң виргинийә иштатидики бир җаминиң исламға өчмәнлик қилиш характерлиқ һуҗумға учриғанлиқи билдүрүлди.
1814355
түркийә авази радийоси хәвири: виргинийә иштатиға қарашлиқ глен аллен олтурақ райониға җайлашқан «West End» ислам мәркизи тәрипидин елан қиинған байанатта, күндүзи җамигә киргән вә кимлики техичә ениқланмиған кишиләрниң әтрапқа зийан салғанлиқи билдүрүлди.
байанатта, җамидики бузғунчилиқ қилиш җәрйанида тамға мусулманларға қарши хәтләрниң йезилғанлиқи, деризиләр сундурулуп, мәсчиттики өй җаһазилириға зийан селинғанлиқи уқтурулди.
байанатта, бу җаминиң йеқинқи 6 ай ичидә икки қетим мушуниңға охшаш бузғунчилиққа учриғанлиқи тәкитлинип, «рамизанда җамигә қилинған бу һуҗум мусулманлар җамаитигә қилинған һуҗумдур» дейилди.
һуҗумниң һенрико районлуқ сақчи идариси тәрипидин нәпрәт җинайити даирисидә тәкшүрүлүватқанлиқи билдүрүлди.
