pütünley karantinagha élinghan shangxey shehiride kowid-19seweblik ölümler körülüshke bashlandi

türkiye awazi radiyosi xewiri: shangxeyde yerlik sehiye xadimliri 89, 90 we 91 yashlardiki 3 bimarning yuqum sewebidin qaza qilghanliqini bildürdi.

bimarlarning ikkisi ayal, biri er bolup, yuqiri qan bésim we yürek qan tomur késellikliri dawamlashqanliqi eskertildi.

shundaq qilip, sheherde kowid -19 ning omikron wariyanti bilen yuqumlinish tüpeyli ölgen tunji bémarlar ruyxetke élinghan boldi.

shangxeyde yéqinqi 24 saet ichide yuqumlinish alamiti körsetken 2417 kishining shundaqla yuqumlinish alamiti körsetmigen 19 ming 831 kishining omikron wariyanti bilen yuqumlanghanliqi bildürüldi.

shangxeyde yuqumlinish ewjige chiqqandin kéyin 28-martta élan qilinghan tedrijiy taqash bilenmu yuqumlinish töwenlimidi. tedrijiy taqashning mudditi pütün sheherde muddetsiz uzartildi.

sheherdiki taqilish tedbirlirining uzartilishi yémeklik we kütüsh mulazimetliride éghir  mesile peyda qildi.

bashqa döletler kowid -19 gha qarshi qoghdinish tedbirlirini asasen emeldin qaldurup, normallishish basquchigha qedem qoyghan bir peytte, xitayning yuqumgha qarshi küresh istratégiyisini waqitning ötüshige egiship qandaq ijra qilidighanliqi téxiche éniqsizliqini dawamlashturmaqta.