broklin hujumchisi tutuldi
amérika qoshma ishtatlirida niyu york sheher bashliqi érik adams bruklin métrosigha hujum qilip, 23 ademni yarilandurghan 62 yashliq frank r. jéymisning tutulghanliqini uqturdi.
türkiye awazi radiyosi xewiri: niyu york sheher bashliqi érik adams, bayanat élan qilip, bruklin métrosida yüz bergen qoralliq hujumning gumandari frank r. jéymisning tutulghanliqini eskertip mundaq dédi: «niyu yorkluq dostlirim, broklin hujumchisini qolgha chüshürduq.»
zorawanning, manxattanning East Village mehelliside saqchilar teripidin tutulghanliqi bildürüldi.
yene bir tereptin, alaqidar tarmaqlarning amérika qoshma ishtatliri axbarat wasitilirigha bergen bayanatlirida bildürüshiche, frank r. jéymis, «fédératip térrorluq jinayiti» sadir qilish jinayiti bilen eyiblinidiken.
aldinqi küni bruklindiki métro békitide élip bérilghan hujumda 23 adem yarilanghan bolup, deslepki tekshürüsh netijisige asasen, bu weqening térrorluq weqesi emesliki otturigha qoyulghanidi.
00
