украина истанбул музакирилиригә садиқ икәнликини билдүрди
украина хәлқ хизмәтчиләр партийәсиниң рәиси давид арахамйа «украина тәрәп русийәниң байанатиниң әксичә, истанбул келишимигә садиқтур вә мәйданини өзгәртмиди » деди.
түркийә авази радийоси хәвири: русийә билән өткүзүлгән музакириләрдә украина һәйити башлиқи болған арахамйа телеграм һесабатида елан қилған байанатида, музакириләрниң торда давамлашқанлиқини билдүрди.
давид арахамйа: «украина тәрәп русийә ташқи ишлар министириниң байанатиниң әксичә, (алдинқи айдики) истанбул келишимигә садиқтур вә мәйданини өзгәртмиди. бирдинбир пәрқи шуки, украина тәрәп истанбул келишимигә киргүзүлмигән барлиқ қошумчә темиларни инавәткә алмиди. бәлким бу музакирә мусаписиниң һазирқи әһвалиниң хата чүшүнилишигә сәвәб болған болиши мумкин» деди.
русийә пирезиденти виладимир путин украина тәрәпниң русийә билән истанбулдики музакириләр нәтиҗисидә һасил қилинған келишимни рәт қилғанлиқини вә музакириләрниң халта кочиға кирип қалғанлиқини ейтқан иди.
русийә ташқи ишлар министири сергей лавровму украина тәрәпниң музакириләрдә өз тәклиплиридин чекинишкә вә иғвагәрчилик қилишқа башлиғанлиқини илгири сүргән иди.
