shimaliy koréye jo baydingha qarita «aljighan qéri» dégen sözni ishletti

türkiye awazi radiyosi xewiri: «Channel News Asia» qanalining xewirige asaslanghanda, shimaliy koréye xewer agéntliqi (KCNA) ning xewiride ukrainaning bucha shehiride puqralarning öltürülgenlikige inkas qayturghan baydingha qarita «aljighan qéri» dégen söz ishlitilgen.

xewerde, «bu xil bayanatlarni peqet tajawuzchiliq we süyiqestke mahir yankésning ewladlirila élan qilalaydu» dégen sözlergimu alahide orun ajritilghan.

xewerde, baydingha qarita «tilining qéyip kétishi bilen tonulghan pirézidént» dep  baha bérilgen we andin ismi tilgha élinmastin, «bundaq adem hakimiyet yürgüzgen amérikaning kelgüsi qarangghu» déyilgen.

shimaliy koréye xewer agéntliqi (KCNA) ilgirimu chet el rehberlirige qarita haqaret derijilik tenqidlerde bolghan idi.

pyongyang hökümiti amérikaning sabiq pirézidénti barak obamani bolsa, «issiq belbagh orminidiki maymun» gha oxshatqan idi.