liwiye türkiyege minnetdarliq bildürdi

türkiye awazi radiyosi xewiri: liwiye pirézidént kéngishi teripidin élan qilinghan yazma bayanatta bildürüshiche, liwiye pirézidént kéngishining muawin reisi abdullah ellafi, paytext trablustiki mitiga herbiy bazisidin orun alghan birleshme herbiy heriketler qismini ziyaret qilghan, hemde bu yerde qilghan sözide, türkiye bilen liwiye otturisidiki herbiy hemkarliqning nahayiti zor ehmiyetke ige ikenlikini, buningdin intayin minnetdar ikenliklirini, liwiyening ofitsér-eskerlirining türkiye armiyesining tejribe – sawaqliridin paydilinishqa ehmiyet bérip kéliwatqanliqlirini eskertish bilen bir waqitta, trablus bilen enqere otturisida imzalanghan kélishimlerge asasen, ikki tereplik hemkarliq ornitilishining muhimliqini tekitligen.

birleshken döletler teshkilati qarmiqida türkiye bilen qanunluq liwiye hökümiti otturisida 2019-yili noyabirda imzalanghan «bixeterlik we herbiy hemkarliq kélishim layihesi» dairiside, türkiye armiyesi, liwiyede telim – terbiye, hemkarliq we meslihetchilik paaliyetlirini dawamlashturmaqta.