amérika: türkiyege «F-16» tipliq urush ayropilanliri sétip bérish menpeetimizge uyghun
amérika qoshma ishtatliri tashqi ishlar ministirliqi türkiyege «F-16» tipliq urush ayropilanliri sétip bérishning, amérikaning milliy bixeterlik menpeetige mas kélidighanliqini we shimaliy atlantik ehdi teshkilatining uzun muddetlik ittipaqliqigha xizmet qi
türkiye awazi radiyosi xewiri: amérika qoshma ishtatliri tashqi ishlar ministirliqi, türkiyege «F-16» tipliq urush ayropilanliri sétip bérish toghrisida amérika dölet mejlisige mektup yollap, «türkiyege ‹F-16› tipliq urush ayropilanliri sétip bérishning, amérika qoshma ishtatlirining menpeetlirige mas kélidighanliqi we shimaliy atlantik ehdi teshkilatining uzaq mezgillik ittipaqliqigha xizmet qilidighanliqi» ni bildürdi.
mektupta, enqere – washington otturisidiki soghuq munasiwetler étirap qilinish bilen bir waqitta, türkiyening ukraina bilen bolghan dölet mudapiesi munasiwetliri, «rayonda yaman gherezlik tesirlerge taqabil turushta achquqluq rol oynawatqan munasiwetler» dep ataldi.
jumhur reis rejep tayyip erdoghan 10 – mart küni , amérika qoshma ishtatliri pirézidénti jo baydin bilen téléfonda körüshkende, türkiyening amérika qoshma ishtatliridin 40 yéngi ayropilan sétiwélish we mewjut «F-16» tipliq urush ayropilanlirini zamaniwilashturushni öz ichige alghan telipining baldurraq netijilik tamamlinishini kütüwatqanliqini bildürgen, shundaqla, dölet mudapiesi sanaiti saheside türkiyege qaritilghan barliq adaletsiz jazalarni emeldin qalduridighan waqitning alliqachan yétip kelgenlikini otturigha qoyghanidi.
türkiye, öktebirde amérika qoshma ishtatliridin lokhéd martin ishlepchiqarghan 40 dane «F-16» tipliq urush ayropilani we mewjut ayropilanlirigha 80 ge yéqin zamaniwilashturush üskünisi sétiwélish üchün telepte bolghanidi.
