xitay pélosi teywende ziyarette bolsa qattiq tedbirlerni yolgha qoyidighanliqini bildürdi

xitay, eger amérika awam palatasi bashliqi nensi pélosi teywenni ziyaret qilsa, keskin tedbirlerni qollinidighanliqini éytip agahlandurdi.

1808930
xitay pélosi teywende ziyarette bolsa qattiq tedbirlerni yolgha qoyidighanliqini bildürdi

türkiye awazi radiyosi xewiri: xitay tashqi ishlar ministirliqi bayanatchisi jaw lijiyen, nensi pélosining 10- aprél teywenni ziyaret qilidighanliqi toghrisidiki xewerler toghrisida toxtilip, bu ziyaretning xitay- amérika munasiwitige éghir tesir körsitidighanliqini, pélosi teywenni ziyaret qilghan teqdirde, keskin tedbirlerni qollinidighanliqlirini bildürdi.

béyjing hökümitining amérika bilen teywen otturisidiki her qandaq resmiy alaqige qetiy qarshi turidighanliqini tekitligen jaw lijiyen, amérika terepning bu ziyaretni emeldin qaldurushi kéreklikini otturigha qoydi we sözini dawamlashturup, ziyaret keltürüp chiqiridighan selbiy aqiwetlerge amérikaning jawabkar ikenlikini eskertti.

10- aprél amérikaning teywenni herbiy yardem bilen teminleshni mezmun qilghan «(amérika -) teywen munasiwiti qanuni» maqullanghanliqining 43 – xatire yili.

béyjing hökümiti «bir xitay» pirinsipini ilgiri sürüp, teywenning öz zéminining bir parchisi ikenlikini otturigha qoymaqta. xitay, teywen boghuzi we uning etrapidiki herbiy mewjutluqidin bashqa, teywenning dunya döletliri bilen musteqil diplomatik munasiwet ornitishigha, b d t we bashqa xelqaraliq teshkilatlarda wekil turghuzushigha qarshi turup kelmekte.



مۇناسىۋەتلىك خەۋەرلەر