zélénskiy sinliq uchurida rusiyening urush jinayetlirini eskertti

ukraina pirézidénti wolodimir zélénskiy rusiyege qaritilghan émbargolarning bucha shehiridiki urush jinayetlirige teng kélidighan  bolishi kéreklikini éytti.

1807899
zélénskiy sinliq uchurida rusiyening urush jinayetlirini eskertti

türkiye awazi radiyosi xewiri: zélénskiy télégramma hésabatida élan qilghan sinliq uchurida, rusiyening 24-féwralda ukrainagha qarshi qozghighan urushi üstide toxtaldi.

zélénskiy rusiyege qaratqan yéngi bir yürüsh émbargo pilani teyyarliniwatqanliqini eskertip, rusiye armiyesining buchadiki ukrainaliqlarni qiyin – qistaqqa alghanliqini bildürdi.

zélénskiy: «dunya buchada yüz bergen ishlarni körgendin kéyin, rusiyege qaritilghan émbargolar tajawuzchilar sadir qilghan urush jinayitining éghir-yéniklikige teng kéleleydighan bolishi lazim. eger buningdin kéyin, rusiye bankiliri adettikidek ishlewiridighan bolsa, rusiye malliri éksport qiliniwerse, yawropa ittipaqi döletliri rusiye énérgiyeliri üchün pul töleshni dawamlashturiwiridighan bolsa, u chaghda bir qisim rehberlerning siyasiy teqdiri ilgirikige oxshash bolmaydu» dédi.

ukraina armiyesining rusiye qisimliri kirmekchi boluwatqan nurghun rayonlarni alqinida saqlap kéliwatqanliqini bildürgen zélénskiy, ukrainaning donbas we xarkiw rayonlirida weziyetning qiyin ikenlikini éytti.

zélénskiy rusiye armiyesining ukraina qisimlirigha sélishturghanda téximu köp esker we eslihelerge ige ikenlikini eskertip, rusiye dairilirining armiyege herbiy mekteplerdin oqughuchilarni qétishqa uruniwatqanliqini éytti.

zélénskiy ukraina eskerlirining jeng qilishni dawamlashturidighanliqini tekitlep, «bizning bashqa tallishimiz yoq, zéminimiz we xelqimizning teqdiri békitilmekte. biz néme üchün urush qiliwatqanliqimizni bilimiz we ghelibe üchün hemme ishni qiliwatimiz» dédi.


خەتكۈچ: #émbargo , #rusiye , #zélénskiy

مۇناسىۋەتلىك خەۋەرلەر