ukrainada urush rayonliridin 3 ming 800 kishining tarqaqlashturulghanliqi bildürüldi

türkiye awazi radiyosi xewiri: ukraina muawin bash ministiri irina wéréshchuk twittérda tarqatqan widéoda, ukrainada urush boluwatqan rayonlardin puqralarni tarqaqlashturush ishliri toghrisida melumat élan qildi.

u tarqaqlashturush ishlirining dawamlishiwatqanliqini eskertip: «tünügün (5-aprél) 3 ming 846 kishi tarqaqlashturuldi. 2 ming 216 kishi özlirining aptomobilliri bilen mariyupol-bérdyansk insaniy karidorliri arqiliq zaporizhwagha yétip bardi. bularning 1496 nepiri mariyupol shehiridin bardi. 720 kishi poloxi, wasiliwka, bérdyansk we mélitopol sheherliridin bardi» dédi.

u ukrainaning luxansik rayonidiki bezi sheherlerdin mingdin artuq kishining aptobuslar bilen tarqaqlashturulghanliqini bildürdi.

u rusiye armiyesining ukrainadiki heriketliri toghrisida toxtilip: «deslepki melumatlargha asaslanghanda, ukrainada eng az dégende 26 ming kwadrat métir turalghu jay, 196 saqliq saqlash orgini, 300 balilar baghchisi, sekkiz ayrodurum, 10 herbiy ayrodurum, 129 fabrika we shirket, 22 ming kilométirdin artuq yol, 226 köwrük we asma köwrük buzghunchiliqqa uchridi yaki weyran qilindi» dédi.

u urush sewebidin ukrainaning tarqan iqtisadiy ziyanlirining tekshürülüwatqanliqini bildürüp: «bu reqem 68 milyard dollar. ukraina iqtisadiy tartqan wastiliq ziyan 600 milyard dollar. nahayiti epsuski bu reqem her küni éshiwatidu» dédi.

u axirida, rusiyening bu ziyanlarni tölishi kéreklikini tekitlidi.

bu jeryanda, ukraina bash teptish mehkimisi bayanat élan qilip, rusiye armiyesining bombardimanlirida 927 mektepning buzghunchiliqqa uchrighanliqini, bularning ichide 83 ining pütünley weyran bolghanliqini uqturdi.

bayanatta, rusiye urush bashlighan 24-féwraldin (2022) bügüngiche 167 kichik balining jénidin ayrilip, 279 kichik balining yarilanghanliqi qeyt qilindi.