b d t: nigériyede 1 milyon 200 ming kishi mina xewpi astida
birleshken döletler teshkilati nigériyening sherqiy shimalida texminen 1 milyon 200 ming kishining mina xewpi astida yashawatqanliqini bildürdi.
türkiye awazi radiyosi xewiri: birleshken döletler teshkilatining nigériyediki waqitliq turalghusi we insanperwerlik yardem ishliri maslashturghuchisi mattias sichmeyl, bayanat élan qilip, térrorluq teshkilati boko haram paaliyet élip bériwatqan nigériyening borno, adamawa we yobé ölkiliride texminen 1 milyon 200 ming kishining mina xewipi astida yashawatqanliqini, bu ölkilerde yashawatqan kishilerning jiddiy yardemge mohtaj ikenlikini eskertish bilen bir waqitta, 2016-yili yanwardin 2022-yili yanwarghiche bolghan ariliqta 1532 minaning partilighanliqini, bu zorawanliq weqeliride 789 puqraning hayatidin ayrilghanliqini, 1356 puqraning yarilanghanliqini tekitlidi.
igilinishiche, yéqinqi yillarda élip bériliwatqan herbiy heriketlerge qarimay, térrorluq teshkilati boko haram, afriqadiki nopusi eng köp dölet nigériyede yenila éghir bixeterlik mesilisi peyda qilmaqta iken.
dölette, 2000-yillarning bashliridin buyan paaliyet élip bériwatqan térrorluq teshkilati boko haramning, 2009-yildin buyanqi ammiwi zorawanliq heriketliride 20 mingdin artuq adem qaza qilghan.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
