америка филиппинға башқурулидиған бомбидин мудапиәлиниш системиси орунлаштурди
америка қошма иштатлириниң филиппинға «вәтәнпәрвәр» намлиқ қуруқлуқтин һаваға қойуп берилидиған башқурулидиған бомбилардин мудапиәлиниш системиси орунлаштурғанлиқи билдүрүлди.
түркийә авази радийоси хәвири: «Inquirer» гезити, «вәтәнпәрвәр» намлиқ башқурулидиған бомба системисиниң филиппинниң шималидики тәйвәнгә тутишидиған кагайан өлкисиниң апарри райониға орунлаштурулғанлиқини хәвәр қилди.
хәвәрдә, американиң тунҗи қетим бир чәт дөләткә қуруқлуқтин һаваға қойуп берилидиған башқурулидиған бомбидин мудапиәлиниш системиси орунлаштурғанлиқиға ишарәт қилинди.
америка билән филиппинниң 28- март лузон арилида башлиған «баликатан» (мүридин мүригә) маневириниң 8-апрелғичә давамлишиши пиланланмақта икән.
йеқинқи йилларниң әң чоң һәрбий маневирлириниң бири болған баликатан маневириға америкадин 5100, филиппиндин 3800 һәрбий хадим қатнашмақта.
америка һәрбий әмәлдари җәй баргерон байанат берип: «бизниң филиппин билән болған иттипақдашлиқимиз йәнила һинди-тинч окйан районидики муһим күч вә муқимлиқниң мәнбәси болушни давамлаштурмақта» деди.
филиппин һәрбий байанатчиси полковник рамон загаламу, маневирниң өзара мудапиәни күчәйтиш мәқситидә өткүзүлгәнликини, униң һәргизму һуҗум мәқсәтлик маневир әмәсликини билдүргәниди.
баликатан маневири филиппин билән америка оттурисида имзаланған өзара мудапиә келишими даирисидә тунҗи қетим 1951 – йили өткүзүлгәниди.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.
