siri lankada bash ministirdin bashqa barliq ministirlar istipa berdi

iqtisadiy kirizis sewebidin hökümetke qarshi namayishlargha sehne boluwatqan siri lankada, bash ministir mahinda rajapaksadin bashqa barliq ministirlar istépa berdi.

1806584
siri lankada bash ministirdin bashqa barliq ministirlar istipa berdi

türkiye awazi radiyosi xewiri: «BBC» ning xewirige asaslanghanda, maarip ministiri dinésh gunawardéna bash ministir rajapaksaning wezipisini dawamlashturidighanliqini bildürgen we kabinétning bashqa ezalirining istépasini bash ministirgha sunghanliqini uqturghan.

istépa bergen 26 ministirning ichide bash ministir rajapaksaning oghli yashlar we tenterbiye ministiri namal rajapaksa twittérda hembehirligen uchurida, bu ehwallarning xelqqe we hökümetke nisbeten muqimliqni kapaletke ige qilinishqa yardemchi bolushini ümid qilidighanliqini bildürgen.

dölettiki iqtisadiy kirizisqa narazliq bildürüwatqan namayishchilar, tok toxtash 13 saet dawamlashqandin kéyin, 31-martta pirézidént gotabaya rajapaksaning turalghusigha yéqin jaygha toplishishqa bashlighan idi.

saqchilar «diktator gota» dégen shoarlarni towlap, rajapaksani istépa bérishke chaqirghan namayishchilarni, yash aqquzush bombisi bilen tarqitiwétishke urunghan idi.

namayishchilar bilen saqchilar otturisida yüz bergen malimanchiliqta 24 saqchi we nurghun puqra yarilanghan hemde 54  kishi nazaretke élinghan idi.

hökümetke qarshi namayishlarning aldini élish üchün deslepte paytext kolomboda, andin gherbiy ölkide kochigha chiqishni cheklesh yolgha qoyulghan idi.

pirézidént rajapaksa namayishlargha «térrorluq herikiti» dep baha bergen shundaqla weqelerge «ashqun küchler» ning jawabkar ikenlikini bildürüp, 1-aprél jiddiy halet élan qilghan idi.

siri lankada namayishlarning aldini élish üchün ijtimaiy alaqe supiliri cheklengen idi.

jenubiy asiyada 21 milyon nopusi bar bolghan aral döliti siri lankaning 1948-yildin buyanqi eng éghir iqtisadiy kirizisqa duch kelgenliki bildürülmekte.


خەتكۈچ: #siri lanka , #namayish

مۇناسىۋەتلىك خەۋەرلەر