taliban afghanistanda kendir we köknar térishni pütünley cheklidi
afghanistanda taliban waqitliq hökümiti kendir we köknar térishni pütün memliket miqyasida cheklidi.
türkiye awazi radiyosi xewiri: taliban hökümiti rehbiri molla heybetulla axunzadening qarari bilen haraq, xiroin, zeherlik chékimlik, kendir qatarliq mest qilidighan maddilarni ishlitish we sétishning cheklengenliki, her xil zeherlik chékimlik ishlepchiqiridighan zawutlarning taqilidighanliqi hemde buninggha xilapliq qilghan her qandaq kishining sotqa tartilidighanliqi we jazalinidighanliqi bildürüldi.
qarargha asasen memliket miqyasida kendir we köknar térilmaydighan boldi.
talibandin ilgiriki eshref gheni hökümiti mezgilidimu haraq ichish resmiy cheklengen turughluq, döletning hemmila yéride dégüdek mexpiy sétilatti.
afghanistan qanunsiz zeherlik chékimlik yasilidighan köknar we kendir qatarliq ösümlükler eng köp térilidighan shundaqla éksport qilinidighan döletlerning aldinqi qatarida turidu.
talibandin kéyin (2021-yili awghusttin béri) xelqara yardemning toxtitishi bilen chongqurlashqan iqtisadiy krizis nurghun kishilerni paydisi yuqiri sahe hésablinidighan zeherlik chékimlik sahesige yüzlendürmekte.
déhqanlar imkaniyetlerning yétersizliki, qurghaqchiliq we yémeklik kirizisi sewebidin nurghun kishining bu sahege yüzlengenlikini bildürmekte.