талибан афғанистанда кәндир вә көкнар теришни пүтүнләй чәклиди
афғанистанда талибан вақитлиқ һөкүмити кәндир вә көкнар теришни пүтүн мәмликәт миқйасида чәклиди.
түркийә авази радийоси хәвири: талибан һөкүмити рәһбири молла һәйбәтулла ахунзадәниң қарари билән һарақ, хироин, зәһәрлик чекимлик, кәндир қатарлиқ мәст қилидиған маддиларни ишлитиш вә сетишниң чәкләнгәнлики, һәр хил зәһәрлик чекимлик ишләпчиқиридиған завутларниң тақилидиғанлиқи һәмдә буниңға хилаплиқ қилған һәр қандақ кишиниң сотқа тартилидиғанлиқи вә җазалинидиғанлиқи билдүрүлди.
қарарға асасән мәмликәт миқйасида кәндир вә көкнар терилмайдиған болди.
талибандин илгирики әшрәф ғәни һөкүмити мәзгилидиму һарақ ичиш рәсмий чәкләнгән туруғлуқ, дөләтниң һәммила йеридә дегүдәк мәхпий сетилатти.
афғанистан қанунсиз зәһәрлик чекимлик йасилидиған көкнар вә кәндир қатарлиқ өсүмлүкләр әң көп терилидиған шундақла експорт қилинидиған дөләтләрниң алдинқи қатарида туриду.
талибандин кейин (2021-йили авғусттин бери) хәлқара йардәмниң тохтитиши билән чоңқурлашқан иқтисадий кризис нурғун кишиләрни пайдиси йуқири саһә һесаблинидиған зәһәрлик чекимлик саһәсигә йүзләндүрмәктә.
деһқанлар имканийәтләрниң йетәрсизлики, қурғақчилиқ вә йемәклик киризиси сәвәбидин нурғун кишиниң бу саһәгә йүзләнгәнликини билдүрмәктә.
