ukraina armiyesi xérson shehirining nurghun jaylirini qayturuwaldi
ukraina armiyesining rusiye armiyesidin xérson shehirining 11 turalghu rayonini qayturuwalghanliqi bildürüldi.
ürkiye awazi radiyosi xewiri: ukraina armiye qomandanliq ishtabi xérson shehiridiki urush weziyiti toghrisida bayanat élan qildi.
bayanatta, rusiye armiyesining meghlubiyetke uchrishi sewebidin paytext kiyéwni qorshawgha alalmighanliqi we qolgha chüshürelmigenliki qeyt qilindi.
rusiyening ukrainada urush qiliwatqan armiye qisimlirini kücheytishni dawamlashturuwatqanliqi؛ buning üchün rusiye jenubiy herbiy rayonigha qarashliq qisimlarni urushqa qatnashturghanliqi bildürülgen bayanatta: «rusiye waqitliq ishghal astida turuwatqan donétsk, luxansik, zaporizhwa we xérson rayonlirida atalmish hökümetlerni qurushqa urunuwatidu» déyildi.
bayanatta, rusiye armiyesining kéyinki künlerde ukrainaning jenubiy we sherqidiki rayonlarda hujumlirini köpeytishi mumkinliki eskertildi.
ukraina armiyesiningmu xérson rayonidiki 11 turalghu jayini rusiye armiyesidin qayturuwalghanliqi qeyt qilindi.
