данийәдә иранлиқ панаһланғучи айал  сақчиларниң зораванлиқиға учриди

данийәдә 2 балиси билән қошуп чеградин қоғлап чиқирилмақчи болған иранлиқ бир айалға сақчилар тәрипидин зорлуқ ишлитилгәнлики вә мәҗбурий шәкилдә мәс қилиш окули урулғанлиқи қаттиқ наразилиқ қозғиди.

1804901
данийәдә иранлиқ панаһланғучи айал  сақчиларниң зораванлиқиға учриди

түркийә авази радийоси хәвири: данийәдики көчмәнләр гезити «Vinkel360» ниң хәвәр қилишичә, леҗре шәһиригә қарашлиқ хвалсө йезисидики панаһланғучилар өйи авнстропта туруватқан иранлиқ бир ана 2 балиси билән биллә чеградин қоғлап чиқирилған вә бу җәрйанда сақчиларниң зораванлиқиға учриған.

данийәдә икки балиси билән 7 йилдин буйан йашаватқан иранлиқ айални дәсләптә 4 нәпәр пуқрачә кейингән сақчи болишиға думбалиған, андин айалниң үстидә олтуруп, униңға мәс қилидиған окул урған.

айал окулниң тәсири билән тиничланғандин кейин иран айропиланиға олтурғузуп чеградин қоғлап чиқирилған.

данийәниң сүрийәлик панаһланғучиларға  йүргүзгән «хусусий нәрсилирини мусадирә қилиш» бәлгилимисини украиналиқ панаһланғучиларға йүргүзмәйдиғанлиқини елан қилишиму қаттиқ наразилиқ қозғиди.

дөләт телевизийәси «DR», 2015-йили данийәгә кәлгән  сүрийәлик панаһланғучиларниң йолларда йүзлиригә түкүрүлгәнлики, ағзаки һуҗумға учриғанлиқи вә 2016-йилдин кейин хусусий нәрсә керәклириниң мусадирә қилинғанлиқи тәрәпкә диққәтни тартип, украиналиқ панаһланғучилар үчүн алаһидә қанунларниң чиқирилғанлиқини хәвәр қилди.  



مۇناسىۋەتلىك خەۋەرلەر