ukraina: qara déngizda körülgen minalargha rusiye jawabkar

türkiye awazi radiyosi xewiri: ukraina tashqi ishlar ministirliqi 26-marttin 28-martqiche türkiye we ruminiyede körülgen déngiz minalirining 2022-yilining béshidin buyanqi hésab boyiche ukraina déngiz armiyesining tizimlikide yoqluqini bildürdi.

ukraina tashqi ishlar ministirliqining resmiy tor bétide élan qilinghan bayanatta, rusiye qisimlirining 2014-yili ukrainaning séwastopol shehirini waqitliq ishghal qilish jeryanida qolgha chüshürgen déngiz minalirini ishlitip, xelqaraliq shérikler aldida ukrainani qesten küshkürtüshke we étibarsizlashturushqa urunghanliqi bildürüldi.

bayanatta rusiyening pütkül qara déngizda, azaktin bashqa yene, kerch we qara déngiz boghuzlirida déngiz minalirini qesten ammiwiy tiransport we déngizlardiki insanlarning hayatini tehditke duchar qilidighan heriket qoraligha aylanduriwaalghanliqi eskertildi.

bayanatta, ukrainagha qarshi keng kölemlik urushni bashlighan rusiye déngiz armiyesining ammiwiy paraxotlarni tutup yoq qiliwatqanliqi we ukrainani déngizdin bombardiman qilishtin bashqa yene, déngiz minalirini «yéngi bir déngiz qaraqchiliqi shekli» süpitide qollanghanliqi bildürüldi.

bayanatta, qoyup bérilgen minalarni ishlitishke we bu minalarning kütülmigen aqiwetlirige rusiye fédératsiyesi shundaqla rusiye déngiz armiyesining jawabkar ikenliki tekitlendi.