baydin rusiyening istanbul söhbetliridin kéyinki qedemlirini közitidighanliqlirini bildürdi

türkiye awazi radiyosi xewiri: jo baydin singapor bash ministiri li shyenlung bilen aqsarayda körüshkendin kéyin muxbirlarni kütüwélish yighini ötküzdi.

pirézidént baydin, yighinda bir muxbirning «(ukraina teripi bilen istanbulda ötküzgen söhbetlerdin kéyin) rusiyening, kiyéw we bashqa sheherlerdiki esker sanini qisqartidighanliqi toghrisidiki bayanatigha qandaq qaraysiz? urushni axirqi basquchigha kélip qaldi dep oylamsiz? yaki rusiye yéngi herbiy heriketlirini retke sélish üchün waqittin paydiliniwatidu, dep qaramsiz?» dégen soaligha jawab bérip: «(rusiyening) heriketlirini körmigüche, héchnéme déyelmeymen. ularning déginini qilidighan - qilmaydighanliqini körimiz. bügün türkiyede söhbet élip bérildi. menmu shimaliy atlantik ehdi teshkilati – natodiki firansiye, gérmaniye we engliye qatarliq shériklirimizning rehberliri bilen körüshtüm. ruslarning némilerni teklip qilidighanliqini körüp béqishtin ibaret ortaq tonush bar» dédi.

jo baydin rusiyening tashlaydighan qedemlirini közitish bilen bir waqitta, bu döletke dawamliq jaza yürgüzidighanliqlirini we ukrainagha mudapie yardimi béridighanliqlirini tekitlidi.

yene bir tereptin aqsaray, amérika pirézidénti jo baydinning firansiye pirézidénti émmanuél makron, gérmaniye bash ministiri olaf sholz, italiye bash ministiri mario diragi we engliye bash ministiri boris jonson bilen téléfonlashqanliqi toghrisida bayanat élan qilip: «rehberler rusiyege ukrainadiki rehimsiz hujumlirining bedilini tölitishni, shundaqla naheq we sewebsiz qoghdinishi üchün ukrainagha bixeterlik yardimi bérishni dawamlashturush iradilirini qayta tekitlidi» dégenlerni qeyt qildi.