nigériyede yoluchilar poyizi hujumgha uchridi
bir top qoralliq kishiler nigériyening kaduna ishtatida yoluchilar poyizigha hujum qildi.
türkiye awazi radiyosi xewiri: nigériye taratquliridiki xewerlerde, qeyt qilinishiche qoralliq kishilerning kaduna ishtatining igabi rayoni rigasa poyiz istansisida yoluchilar poyizigha bomba hujumi qilghan.
hujumda ölüm-yétim hadisilirining yüz bérip-bermigenliki éniq emes bolup, poyizda 970 yoluchining barliqi eskertildi.
kaduna ishtatining xawin kanwa yézisighimu motosiklit méniwalghan bir top qoralliq kishiler hujum qilghan. hujumda 15 kishi jénidin ayrilghan, nurghun kishi yarilanghan.
kaduna ishtati ichki xewpsizlik we ichki ishlar komissari samuél aruwan 26-martta (2022) ishtatning ayrodurumida hujum weqesi peyda qilmaqchi bolghan qoralliq kishilerdin 12 sining étip öltürülgenlikini bildürdi.
nigériyening bezi ishtatliri yéqinqi waqitlarda köp yüz bériwatqan motosiklit méniwalghan qoralliq kishilerning hujumi sewebidin, motosiklit ménishni chekligen idi.
kaduna ishtatida charwichiliq bilen shughullinidighan fulanilar we déhqanchiliq bilen shughullinidighan bezi qebililer otturisida shiddetlik toqunushlar yüz bermekte. ishtatta 20-marttin buyan dawamlishiwatqan toqunushlar sewebidin bezi rayonlarda sirtqa chiqish cheklengen idi.
