makron: «men putinni qassap démeymen»
firansiye pirézidénti émmanuél makron amérika pirézidénti jo baydingha oxshash, rusiye pirézidénti wladimir putinni «qassap» démeydighanliqini éytti.
türkiye awazi radiyosi xewiri: makron «France 3» qaniligha bergen bayanatida, rusiyening 24-féwralda ukrainada bashlighan urushni toxtitishni xalaydighanliqini bildürdi.
makron bu ishni qilish jeryanida, «söz we herikette jiddiychilikni ashuruwetmeslik» kéreklikini ipadilep, putin bilen körüshüshni dawamlashturuwatqanliqini, shunga putinni «qassap» démeydighanliqini tekitlep: «biz yawropaliqlar bolush süpitimiz bilen, jughrapiyemizni we tariximizni untup qalmasliqimiz kérek, biz rusiye xelqige qarshi urush qiliwatqinimiz yoq» dédi.
yawropaning moskwa bilen washington otturisidiki «soghuq urushqa» qatnashmighanliqini tekitligen makron, ukrainaning mariyupol shehiride insanperwerlik herikiti teshkillesh toghrisida putin bilen téléfonda sözlishidighanliqini éytti.
amérika pirézidénti jo baydin polshaning paytexti warashawadiki ukrainaliq panahlanghuchilar lagérini ziyaret qilsh jeryanida, putinni «u bir qassap» dégen idi.
