nigériyede yoqap ketken herbiy ayropilan térrorluq teshkilati lagéridin tépildi

türkiye awazi radiyosi xewiri: nigériye armiyesining yazma bayanatida, borno ölkisige qarashliq sambisa orminida boko haramgha qarshi heriket élip bérilghanliqi bildürüldi.

bayanatta, teshkilat lagérigha qarita élip bérilghan heriket jeryanida 2021-yili ghayib bolghan herbiy ayropilanning qalduqlirining tépilghanliqi we rayondiki heriketlerning dawamlishiwatqanliqi uqturuldi.

borno ölkiside 2021-yili 31-martta boko haramgha qarshi heriket jeryanida herbiy ayropilan radardin ghayib bolghan idi.

boko haram yéqinqi yillarda élip bérilghan shunche heriketlerge qarimastin, afriqidiki nopusi eng zich dölet hésablinidighan nigériyede éghir bixeterlik mesilisi peyda qilmaqta.

nigériyede 2000-yillarning béshidin béri mewjut bolup kéliwatqan térorluq teshkilatining 2009-yildin buyan élip barghan keng kölemlik zorawanliq heriketliride, 20 mingdin artuq kishi qaza qildi.

teshkilat 2015-yildin bashlap döletning chégradiki qoshniliri bolghan kaméron, chad we nigérdimu térrorluq heriketlirini élip barmaqta. teshkilatning chad köli oymanliqidiki hujumlirida kem dégende 2000 kishi hayatidin ayrildi.

nigériyede yüzminglighan kishi térorluq hujumi we toqunushlar sewebidin köchüshke mejbur bolmaqta.