islam hemkarliq teshkilati qibris türkliri bilen hemkarliqning muhimliqini tekitlidi
islam hemkarliq teshkilati tashqi ishlar ministirliri kéngishining 48 – nöwetlik yighinining bayannamiside, qibris türkliri bilen hemkarliqning muhimliqi tekitlendi.
türkiye awazi radiyosi xewiri: pakistanning paytexti islamabad shehiride 22 – 23 – mart künliri chaqirilghan islam hemkarliq teshkilati tashqi ishlar ministirliri kéngishining 48 – nöwetlik yighinida, «islamabad bayannamisi» birdek awaz bilen qobul qilindi.
bayannamide, islam hemkarliq teshkilatining islam dunyasining ortaq menpepetlirini teshwiq qilish we qoghdash iradisining qetiyliki eskertilish bilen bir waqitta, pelestin we quddus mesilisining musulmanlargha nisbeten nahayiti zor ehmiyetke ige ikenliki qayta tekitlendi, islam hemkarliq teshkilatining, pelestin xelqining öz teqdirini özi belgilesh hoquqi we 1967 – yilqi chégra liniyelirige asasen paytexti quddus bolghan musteqil pelestin döliti qurush pilanini qollaydighanliqi qeyt qilindi.
jammu keshmir xelqi bilen bolghan tewrenmes hemkarliqning muhimliqi qayta tekitlengen bayannamide, hindistanning jammu keshmirdiki qanunsiz kishilik hoquq depsendichilikliri eyiblendi.
bayannamide yene, afghanistan, somali, sudan, pil chishi qirghiqi, komoro elliri ittipaqi, jibuti, bosniye-gértségowina, jammu keshmir we qibris türkliri bilen bolghan hemkarliqning nahayiti zor ehmiyetke ige ikenliki, shundaqla, bu xelqlerning tinch, bixeter we parawanliq ichide yashash arzusining muhimliqi tekitlendi.
