nigériyede yüz bergen hujumda jénidin ayrilghanlarning sani ashti

türkiye awazi radiyosi xewiri: kaduna ishtati ichki xewpsizlik we ichki ishlar komissari samuél aruwan yazma bayanat élan qilip, 20-martta qoralliq kishilerning kawra rayonida qanliq weqe peyda qilghanliqini bildürdi.

u hujumdin kéyin xewpsizlik tarmaqlirining rayonda tekshürüsh bashlighanliqini eskertip: «nahayiti epsuski hazirghiche 34 kishining jesiti tépildi. bularning ichide ikki eskerning jesiti bar» dédi.

u hujumda, 200 öy, 32 dukan, üch aptomobil we 17 motosiklitqa ot qoyup bérilgenlikini qeyt qildi.

kaduna ishtatida barghanséri köpiyiwatqan zorawanliq weqeliri sewebidin jéma we kawra rayonlirida jiddiy halet élan qilinghan idi.

mezkur rayonlar pat-pat déhqanchiliq we charwichiliq bilen shughullinidighan qebililer arisida shiddetlik toqunushlargha sehne bolup kelmekte.

kaduna ishtatida 17-mart qoralliq hujum yüz bergen bolup, hujumda ikki kishi jénidin ayrilip, 46 kishi élip qéchilghan idi.