rusiye bilen ukraina bir - birige yetküzgen talapetlerge dair sanliq melumatlarni élan qildi

rusiye armiyesining ukrainaning iwano-firankiwiskiy rayonidiki bir qoral – yaragh iskilatigha tunji qétim «kinzhal» namliq hipersonik (awazdin yuqiri süretke ige) bashqurulidighan bombisini ishlitip hujum qilghanliqi bildürüldi.

1798340
rusiye bilen ukraina bir - birige yetküzgen talapetlerge dair sanliq melumatlarni élan qildi

türkiye awazi radiyosi xewiri: rusiye dölet mudapie ministirliqi bayanatchisi igor konashénkof, rusiye eskerlirining bastion qirghaq mudapie sistémisisini ishlitip, ukraina armiyesining odéssa rayonidiki ikki radiyo-éléktironluq axbarat merkirini weyran qilghanliqini ilgiri sürdi.

«kinzhal» hipersonik bashqurulidighan bombisining tunji qétim ukrainada ishlitilgenlikini tilgha alghan konashénkof: «3-ayning 18-küni hipersonik bashqurulidighan bombiliri seplengen  kinzhal bashqurulidighan bomba sistémisi ishlitilip, ukraina herbiy qisimlirining qoral- yaragh iskilati weyran qilindi» dédi.

konashénkof, bügün kéche ukrainagha tewe 69 herbiy éléméntning weyran qilinghanliqigha isharet qilip: ularning 4 hawa mudapie bashqurulidighan bomba sistémisi, 4 qomandanliq merkizi, 1 nishan belgilesh radar ponkiti, 3 köp sitwolluq rakétamiyot, 12 oq - dora iskilati we 43 herbiy téxnika mashinisi rayoni ikenlikini ilgiri sürdi.

konashénkof, rusiye hawa armiyesining kéchide 12 uchquchisiz hawa apparatiniétip chüshürgenlikini bildürüp: «rusiye armiyesi 24 – féwaldin buyan ukraina armiyesining 196 dane uchquchisiz hawa apparati, 1438 tanka we bironéwik, 145 köp sitwolluq rakétamiyot, 556 dane zembirek we minamyot, 1237 mexsus herbiy aptomobilini weyran qilip tashlidi» dédi.

shuning bilen bir waqitta, rusiye dölet mudapie ministirliqi, amérikada ishlengen 4 herbiy aptomobil bilen charlash we izdesh meshghulati élip bériwatqan ukraina armiyesige qilinghan bashqurulidighan bomba hujumining körünüshlirini tarqitip, mezkur guruppining yoqitilghanliqini bildürdi.

ukraina armiyesi bash qomandanliq ishtabimu, 24- féwraldin 19- martqiche bolghan jeryandiki rusiye armiyesining talapetlirige dair sanliq melumatlarni élan qildi.

bayanatqa asaslanghanda, ukrainagha hujum qilghan rusiye armiyesining qilghan 14400 eskiri öltürülgen, 95 ayropilan, 115 tik uchar, 466 tanka, 1470 brownéwik, 213 zembirek, 72 rakétamiyot sistémisi we 44 hawa mudapie sistémisi weyran qilinghan.

rusiye qisimliri yene 914 mashina, 3 yénik kéme, 60 yéqilghu mashinisi we 17 dane uchquchisiz hawa apparatidin ayrilip qalghan.

rusiye armiyesi 24 - féwral ukrainagha bésip kirip, ishghal herikitini bashlighanidi.


خەتكۈچ: #uyghurche , #talapet , #ukraina , #rusiye

مۇناسىۋەتلىك خەۋەرلەر