7 – g guruhi rusiyeni ukrainada insanperwerlik yardemge tosalghu bolmasliqqa chaqirdi

türkiye awazi radiyosi xewiri: amérika qoshma ishtatliri, gérmaniye, engliye, kanada, firansiye, italiye we yaponiyedin teshkil tapqan 7 – g guruhi ellirining tashqi ishlar ministirliri, rusiyeni maripul we bashqa qorshaw astidiki ukraina sheherlirige qilinidighan insanperwerlik yardemlerge tosalghu bolmasliqqa chaqirdi.

7 – g guruhi elliri tashqi ishlar ministirliri teripidin bu heqte élan qilinghan ortaq bayanatta, mundaq déyildi: «maripul we bashqa sheherlerning qorshaw astigha élinishi we rusiyening insanperwerlik yardemlerge tosalghu bolushini qobul qilghili bolmaydu. rusiyeni xelqara insaniy qanun we kishilik hoquq dairisidiki ehdilirige riaye qilishqa chaqirimiz. rusiye hökümiti, maripul we bashqa qorshaw astidiki sheherlerge insanperwerlik yardem buyumlirining yetküzülüshi we insanperwerlik yardem bérilishige derhal ruxset qilishi lazim.»

puqralargha qarshi qoral ishletkenlerning hemmisining urush jinayetliri tüpeyli jawabkarliqqqa tartilidighanliqi tekitlengen bayanatta, dawamlishiwatqan barliq xelqaraliq tekshürüshler we delil – ispat toplash paaliyetlirining xushallinarliq ehwal ikenliki eskertildi.

bayanatta yene, rusiye bilen bélarusiye yene bir qétim eyiblendi.

rusiye armiyesi, 24 – féwral küni ukrainagha herbiy heriket qozghighanidi.