yaponiyediki yer tewreshte töt adem jénidin ayrildi

türkiye awazi radiyosi xewiri: yaponiyening sherqiy shimaligha jaylashqan miyagi we fukushima ishtatining déngiz teelikide shu yer waqti 23:36 ötkende 60 kilométir chongqurluqta 7.4 bal yer tewrigenliki bildürüldi.

yaponiye métérologiye agéntliqi «déngiz tashqini» din agahlandurup aridin 1.5 saet ötkende, égizliki bir métir kélidighan dolqunlar qirghaqqa yétip keldi.

yaponiye métérologiye agéntliqi deslepte 7.3 bal dep élan qilghan yer tewreshning chongluqini 7.4 balgha özgertti.

yaponiye bash wezirlik mehkimiside jiddiy ehwal merkizi quruldi.

ot we tebiiy apet bashqurush agéntliqi yer tewresh netijiside sherqiy we sherqiy shimal rayonidiki ishtatlarda töt ademning jénidin ayrilghanliqini, 198 ademning yarilanghanliqini élan qildi.

toqquz ishtatta 2.2 milyondin artuq ailide waqitliq tok toxtash yüz berdi.

yaponiye yadro énérgiyesi idarisi  fukushima daichi yadro éléktir istansisida mesile körülmigenlikini élan qildi.