йапонийәдики йәр тәврәштә төт адәм җенидин айрилди

түркийә авази радийоси хәвири: йапонийәниң шәрқий шималиға җайлашқан мийаги вә фукушима иштатиниң деңиз тәәликидә шу йәр вақти 23:36 өткәндә 60 километир чоңқурлуқта 7.4 бал йәр тәвригәнлики билдүрүлди.

йапонийә метерологийә агентлиқи «деңиз ташқини» дин агаһландуруп аридин 1.5 саәт өткәндә, егизлики бир метир келидиған долқунлар қирғаққа йетип кәлди.

йапонийә метерологийә агентлиқи дәсләптә 7.3 бал дәп елан қилған йәр тәврәшниң чоңлуқини 7.4 балға өзгәртти.

йапонийә баш вәзирлик мәһкимисидә җиддий әһвал мәркизи қурулди.

от вә тәбиий апәт башқуруш агентлиқи йәр тәврәш нәтиҗисидә шәрқий вә шәрқий шимал районидики иштатларда төт адәмниң җенидин айрилғанлиқини, 198 адәмниң йариланғанлиқини елан қилди.

тоққуз иштатта 2.2 милйондин артуқ аилидә вақитлиқ ток тохташ йүз бәрди.

йапонийә йадро енергийәси идариси  фукушима даичи йадро електир истансисида мәсилә көрүлмигәнликини елан қилди.