nato dölet mudapie ministirliri derijilik jiddiy yighini chaqirdi
shimaliy atlantik ehdi teshkilati «ukraina küntertipi» bilen bélgiyening paytexti biryussélda dölet mudapie ministirliri derijilik jiddiy yighin chaqirdi.
türkiye awazi radiyosi xewiri: biryussélda bashlanghan yighinning deslepki olturushigha, shimaliy atlantik ehdi teshkilatigha eza döletlerning dölet mudapie ministirliridin sirt yene, ukraina, girétsiye, shiwétsiye we finlandiye qatarliq döletlerning dölet mudapie ministirliri bilen yawropa ittipaqi tashqi munasiwetler we bixeterlik ishliri siyasiti aliy wekili josép borél qatarliqlarmu ishtirak qildi.
yighinda, shimaliy atlantik ehdi teshkilati hemkarlishiwatqan bashqa döletler we teshkilatlarning nöwettiki weziyitige qarap chiqilidu.
enqere waqti chüshtin kéyin saet 3 yérimdiki olturushqa bolsa, peqet shimaliy atlantik ehdi teshkilatigha eza döletlerning dölet mudapie ministirlirila qatishidu we kéler hepte chaqirilidighan shimaliy atlantik ehdi teshkilati bashliqlar yighini harpisidiki teyyarliq xizmetliri közdin kechürülidu.
yighingha, türkiyege wakaliten dölet mudapie ministiri xulusi aqar qatnashmaqta.
shimaliy atlantik ehdi teshkilati, rusiye – ukraina urushining natoning chégra liniyelirige yamrap kétishining aldini élish üchün zörür tedbirlerni qollinishqa tirishmaqta.
مۇناسىۋەتلىك خەۋەرلەر
filippin bixeterlik qisimliri daéshqa zerbe bérish herikiti élip bardi
filippin bixeterlik qisimliri daésh bilen chétishliqi bar 12 térrorchini ujuqturghanliqini uqturdi.
