amérikada jamelerde qanunsiz jasosluq qilishqa alaqidar erzname heqqide qarar maqullandi
amérika aliy sot mehkimisi kaliforniyede bir musulmanlar guruppisining fédératsiye tekshürüsh idarisi (FBI) üstidin «qanunsiz nazaret qilish» jinayiti bilen sunghan erznamesining töwen sot mehkimiside bir terep qilinishini höküm qildi.
türkiye awazi radiyosi xewiri: aliy sot mehkimisi fédératsiye tekshürüsh idarisi (FBI) üstidin qilinghan erzlerning «dölet mexpiyiti» bolushi sewebidin tonglitilidighan yaki tonglitilmaydighanliqigha dair qararning töwen sot mehkimisi teripidin maqullinishi kérekliki heqqide birdek awaz bilen qarar maqullidi.
2006-yili fédératsiye tekshürüsh idarisi (FBI) sabiq zeherlik chékimlik jinayetchisi krayg montéyl isimlik kishini yéngi musulman bolghan kishi süpitide kaliforniyening irwin shehiridiki jamelerde jasosluqqa ishletken idi.
bu weqe jame jamaitining krayg montéyl üstidin «térrorluqqa qiziqishidin biaram bolduq» dégen seweb bilen fédératsiye tekshürüsh idarisigha erz qilishidin kéyin ashkarilanghan idi.
buninggha qarita musulmanlar jamaitning bezi ezaliri «diniy asasta qanunsiz nazaret qilish jinayiti» bilen eyiblep, fédératsiye tekshürüsh idarisi (FBI) ning bu «jasosluq herikiti» ni sotqa erz qilghan idi.
edliye tarmaqliri «dölet bixeterlikige tehdit shekillendüridighan derijide dölet mexpiyetlikini ashkarilash xewpi bar» dégenni ilgiri sürüp, fédératsiye tekshürüsh idarisi üstidin échilghan dewani amérika aliy sot mehkimisige yollighan idi.
