b d t: ukrainada qaza qilghan we yarilanghan puqralar sani mingdin ashti

türkiye awazi radiyosi xewiri: birleshken döletler teshkilati (b d t) bash katipi bayanatchisi istéfan dujarik kündilik axbarat élan qilish yighinida söz qilip, rusiyening ukraina ishghaliyiti bashlanghandin tartip hazirghiche 331 puqraning hayatidin ayrilghanliqini uqturdi.

2 - ayning 24 – künidin 3 - ayning 3 - künigiche bolghan jeryanda yarilanghan puqralar sanining 1006 ge yetkenlikini bildürgen dujarik, 1 milyon 200 mingdin artuq kishining dölettin ayrilghanliqini eskertti.

emma, ukraina emeldarliri qaza qilghanlar sanining 2000 din ashidighanliqini bildürmekte.

b d t ning rusiye bilen ukrainaning puqralar üchün bixeter karidor tesis qilish kélishimini qarshi alidighanliqini tekitligen dujarik, ukrainaning nurghun sheherliride bir nechche kündin buyan dawamlishiwatqan bombardimanlar sewebidin ul eslihening éghir weyranchiliqqa uchrighanliqini tekitlidi.

u,  pulmatiklarda pul qalmighanliqini, dölet ichidiki pul yötkeshlerde qolaysizliqlarning bash kötürgenlikini éytti.

rusiye armiyesi 24 - féwral ukrainagha bésip kirip, ishghal herikitini bashlighanidi.

ikki terep wekilliri peyshenbe küni ikkinchi qétim söhbet üstilide olturup, puqralarni tarqaqlashturush üchün rayonluq insanperwerlik karidori tesis qilish toghrisida kélishkenidi.