pirézidént baydin amérikaning hawa tewelikini rusiye ayropilanlirigha taqidi
amérika pirézidénti jo baydin rusiyening ukrainagha 24-féwraldin (2022) tartip qiliwatqan hujumi sewebidin amérikaning hawa tewelikini rusiye ayropilanlirigha taqighanliqini élan qildi.
türkiye awazi radiyosi xewiri: pirézidént jo baydin kongrening awam palatasi bilen kéngesh palatasining ortaq yighinida nutuq sözlidi.
u ukraina-rusiye urushi üstide toxtilip: «rusiye pirézidénti wladimir putin özining tehdit sélish yolida mangidighanliqini oylap erkin dunyaning asasini tewritishke bashlidi. emma, éghir xatalashti. ukrainagha kireleymen we dunyani boyun egdüreleymen dep oylidi. u héch oylap baqmighan bir küch témigha duch keldi, ukraina xelqige duch keldi» dédi.
u ijra qilghan émbargolar sewebidin rusiye rublisining bügüngiche %30 qimmitini yoqatqanliqini, rusiye aksiye bazarlirining %40 qimmitini yoqatqanliqini we aksiye bazarliri ishlirining toxtitip qoyulghanliqini qeyt qildi.
u: «rusiye iqtisadi dawalghushta we buning birdinbir jawabkari putin. bu kéche (1-mart) amérikaning pütkül hawa teweliki rusiye ayropilanlirigha taqilidu we yawropadiki shériklirimizning sépige qoshulimiz. bu rusiyeni téximu yalghuzlashturup, iqtisadigha éghir bésim peyda qilidu» dédi.
u rusiyening ukrainagha qilghan hujumigha «aldin pilan qilinghan» we «orunsiz» dep baha bérip: «putin diplomatiye tirishchanliqlirini ret qildi. gherb we natoni jawab bermeydu, bizni böleleymiz dep oylidi. putin xatalashti. bizning teyyarliqimiz bar idi» dédi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.