لاۋروۋ ئۈچىنچى دۇنيا ئۇرۇشىنىڭ يادرو خاراكتېرلىك ھەمدە ۋەيران قىلغۇچ بولىدىغانلىقىنى ئېيتتى

تۈركىيە ئاۋازى رادىيوسى خەۋىرى: رۇسىيەنىڭ تاس ئاگېنتلىقىنىڭ زىيارىتىنى قوبۇل قىلغان سېرگېي لاۋروۋ، ئۇكرائىنانىڭ يادرو قورالىغا ئىگە بولۇشىغا يول قويمايدىغانلىقلىرىنى ئوتتۇرىغا قويۇپ: «ئۈچىنچى دۇنيا ئۇرۇشى يادرو خاراكتېرلىك ۋە ۋەيران قىلغۇچ بولىدۇ» دېدى.

رۇسىيەنىڭ ئۆتكەن ھەپتە ئۇكرائىنادا «ھەربىي ھەرىكەت» ئېلىپ بېرىشنى باشلىغانلىقىنى بىلدۈرگەن لاۋروۋ، كىيېۋنىڭ يادرو قورالىغا ئىگە بولۇشىنىڭ «ھەقىقىي خەۋپ» ئىكەنلىكىنى ئىلگىرى سۈردى.