xitay: rusiye bilen soda hemkarliqini dawamlashturimiz
xitay tashqi ishlar ministirliqi bayanatchisi wang wénbin: «biz rusiye bilen özara hörmet qilish, teng payda élish we barawerlik asasida soda hemkarliqi ornitishni dawamlashturimiz» dédi.
türkiye awazi radiyosi xewiri: xitay tashqi ishlar ministirliqi bayanatchisi wang wénbin tünügün ötküzgen muxbirlarni kütüwélish yighinida, «xitayning énérgiye qatarliq tawarlarni sétiwélish arqiliq rusiyeni qollaydighan yaki qollimaydighanliqi» toghrisidiki bir soalgha jawab bérip: «biz rusiye bilen özara hörmet qilish, teng payda élish we barawerlik asasida soda hemkarliqi ornitishni dawamlashturimiz» dédi.
bayanatchi wang, bir qisim gherb döletlirining rusiyeni SWIFT sistémisidin chiqiriwétish qararigha béyjingning qandaq baha béridighanliqi toghrisidiki soalgha jawab bérip, dölitining xelqara qanunni asas qilmighan bir tereplime jazalargha qarshi turidighanliqini tekitlidi we jazalarning mesilini hel qilishning ornigha yéngi mesililerni peyda qilidighanliqining sansizlighan pakitlar arqiliq ispatlanghanliqigha isharet qilip ötti.
u, jazalarning mesilini bashtin kechürüwatqan her ikki terepke iqtisadiy ziyan élip kélipla qalmastin, belki alaqidar tereplergimu ziyan yetküzidighanliqini, buning bilen birlikte, siyasiy hel qilish musapisigimu passip tesir körsitidighanliqini éytti.