зелениски русийә билән истанбулниму өз ичигә алған 5 шәһәрдә сөһбәт өткүзүш тәклипини сунди

украина пирезиденти владимир зелениски дөлитигә һуҗум қилиниватқан беларусийәниң орниға, русийә билән истанбул, варшава, баку, братислава йаки будапешт қатарлиқ 5 шәһәрдә сөһбәт өткүзүш тәклипини сунғанлиқини ейтти.

1786313
зелениски русийә билән истанбулниму өз ичигә алған 5 шәһәрдә сөһбәт өткүзүш тәклипини сунди

түркийә авази радийоси хәвири: зелениски, бу һәқтә елан қилған синлиқ байанатида, русийә билән сөһбәт өткүзүш үчүн бекитилидиған шәһәр һәққидә тохталғанда,  сөһбәт үчүн минск шәһирини өзлириниң әмәс, русийәниң таллиғанлиқини, буниңдин 4 күн бурун беларусийә терротерийәсидин украинаға чарлиғучи башқурулидиған бомбиларниң қойуп берилгәнликини, айропилан, тик учар вә танкиларниң украиналиқларни өлтүргәнликини вә өй – маканларни вәйран қилишқа башлиғанлиқини әскәртиш билән бир вақитта, кийевға 4 күн илгири худди 1941 – йилқиға охшашла шу җай вақти әтигән саәт 4 тә һуҗум башланғанлиқини тәкитләп мундақ деди: «силәр ухлидиңлар, әмма биз ойғандуқ, нөвәттә биз йатматватимиз, елимиз үчүн уруш қиливатимиз.»

украинаға беларусийә терротерийәсидин һуҗум елип берилмиған болса, сөһбәт өткүзүш үчүн минск шәһирини қобул қилидиғанлиқлирини қәйт қилған зелениски, беларусийә тәрәпсиз позитсийә тутқан мәзгилдә көп қетим минскта сөһбәт өткүзгәнликлирини, беларусийәдә бүгүн асасий қанунға өзгәртиш киргүзүш реферандуми елип бериливатқанлиқини тәкитләп мундақ деди: «беларусийә муһим қарарини техи чиқарғини йоқ, бундақ қарарни чиқириш, нә, русийә, нә украина, нә америка қошма иштатлириға әмәс, пәқәт беларусийә хәлқигила бағлиқтур. шуни алаһидә тәкитләп өтимәнки, биз әлвәттә тинчлиқни халаймиз, урушқа хатимә берилишини үмид қилимиз,  дөлитимизгә һуҗум қилиниватқан беларусийәниң орниға, русийә билән истанбул, варшава, баку, братислава йаки будапешт қатарлиқ 5 шәһәрдә сөһбәт өткүзүш тәклипини москваға сундуқ, терротерийәлиридин дөлитимизгә бомбилар қойуп берилмигән һәрқандақ бир дөләттә сөһбәт өткүзүшни қобул қилимиз, чүнки шундақ болғандила андин сөһбәт сәмимийәт асасида өткүзүлгән болиду, урушқиму хатимә бәргили болиду.»

киремил сарийи  байанатчиси дмитри песков русийә һәйитиниң украиналиқлар билән сөһбәт өткүзүшкә башлаш үчүн беларусийәниң гомел шәһиригә йетип барғанлиқини ейтқаниди.

песков, украиналиқ вәкилләр билән беларусийәдә өткүзүлгүси сөһбәт  һәққидә бәргән байанатида, өзлириниң сөһбәт өткүзүшкә тәййар икәнликини билдүрүп мундақ дегәниди: «бу һәқтә һасил қилинған келишимләргә асасән, ташқи ишлар министирлиқи, дөләт мудапиә министирлиқи вә башқа бир қисим органларниң вәкиллиридин тәшкил тапқан русийә һәйити, украиналиқлар билән сөһбәт өткүзүшкә башлаш үчүн беларусийәниң гомел шәһиригә йетип барди. дәрвәқә, биз гомел шәһиридә сөһбәт өткүзүшкә башлашқа тәййармиз, һазир биз украиналиқларни күтүватимиз.»

русийә, 24 – феврал күни украинаға һәрбий һәрикәт қозғиғаниди.



مۇناسىۋەتلىك خەۋەرلەر