nato bashliqlar yighinidin kéyin bayanat élan qilindi

shimaliy atlantik ehdi teshkilati – nato pewquladde bashliqlar yighini chaqirip, rusiyening ukrainagha qaratqan herbiy mudaxilisini muzakire qildi.

1785725
nato bashliqlar yighinidin kéyin bayanat élan qilindi

türkiye awazi radiyosi xewiri: natogha eza döletlerning dölet we hökümet bashliqliri derijilik pewquladde sin yighinining échilish nutuqini nato bash katipi yéns stolténbérg sözlidi.

bir nechche ayliq agahlandurushlargha we mesilini diplomatik usulda hel qilish tirishchanliqlirigha qarimay, rusiyening yawropa chong quruqluqining tinchliqini buzghanliqini tekitligen stolténbérg, «ishghalning birdinbir jawabkarining rusiye ikenliki»ni ilgiri sürdi.

bash katip yéns stolténbérg rusiye herbiy heriketni derhal toxtitishqa chaqirip, natoning ukrainaning igilik hoquqi we zémin pütünlükini qollaydighanliqini qayta- qayta tekitlidi.

jumhur reis rejep tayyip erdoghanmu rusiyening ukrainagha qaratqan herbiy herikiti muzakire qilinghan natogha eza döletler rehberliri pewquladde yighinigha intérnét muhitida ishtirak qildi.

natoning bu qétimqi bashliqlar yighinigha yawropa ittipaqi, finlandiye we shiwétsiye rehberlirimu ishtirak qildi.

yighindin kéyin élan qilinghan nato bashliqlar yighini bayanatida: «ukrainaning démokratik yollar arqiliq saylanghan pirézidénti, parlaménti we hökümiti bilen wetinini qoghdawatqan jesur ukraina xelqining yénida turimiz» dégen ibarilerge orun bérildi.

bayanatta yene: «rusiyening heriketlirige qarap natoning aldini élish we mudapie pozitsiyesi üchün zörür yekünlerni chiqirimiz. rusiye prézidénti wiladimir putinning ukrainagha hujum qilish qarari, rusiye uzun yillar boyiche iqtisadiy we siyasiy jehettin éghir bedel töleydighan qorqunchluq xataliqtur» déyildi.

rusiye tünügün ukrainagha basturup kirip herbiy heriket bashlighanidi.


خەتكۈچ: #uyghurche , #bayanat , #ukraina , #rusiye , #nato

مۇناسىۋەتلىك خەۋەرلەر