байдин-путин көрүшүши үчүн, украина ишғал қилинмаслиқи шәрт
америка пирезиденти җо байдин билән русийә пирезиденти владимир путин йавропаниң хәвпсизлики вә муқимлиқиға мунасивәтлик өткүзүлидиған алий рәһбәрләр йиғинида өзара көрүшиду.
түркийә авази радийоси хәвири: фирансийә елси сарийи пирезидент макронниң америка пирезиденти байдин вә путин билән телефонда көрүшкәнлики тоғрисида байанат елан қилди.
байанатта, макронниң мунасивәтлик тәрәпләрниң қатнишиши астида, байдин билән путин оттурисида йавропаниң хәвпсизлики вә муқимлиқи тоғрисида йиғин өткүзүшни тәклип қилғанлиқи, икки рәһбәрниң бу тәклипни қобул қилғанлиқи билдүрүлди.
байанатта, йиғин күнтәртипиниң, америка ташқи ишлар министири антони блинкен билән русийә ташқи ишлар министири сергей лавровниң 24-февралдики учришишида тәййарлинидиғанлиқи әскәртилди.
йуқиридики йиғининиң өткүзүлүши үчүн русийәниң украинани ишғал қилмаслиқи керәклики тәкитләнгән байанатта йәнә, макронниң барлиқ тәрәпләр билән йиғин күнтәртипини тәййарлашқа тиришидиғанлиқи қәйт қилинди.
مۇناسىۋەتلىك خەۋەرلەر
филиппин бихәтәрлик қисимлири даешқа зәрбә бериш һәрикити елип барди
филиппин бихәтәрлик қисимлири даеш билән четишлиқи бар 12 террорчини уҗуқтурғанлиқини уқтурди.
