amérikaning xitay bilen toqunushi muqerermu?
amérika tashqi ishlar ministiri antoni blinkén xitay bilen toqunushning «muqerer emesliki» ni, emma amérika we ittipaqdashlirining bir-birini qollishi kéreklikini éytti.
türkiye awazi radiyosi xewiri: amérika tashqi ishlar ministiri antoni blinkén awstiraliye, hindistan, yaponiye we amérikadin terkip tapqan töt terep ittipaqi tashqi ishlar ministirliri yighinidin ilgiri muhim bayanatlarni élan qildi.
u bir muxbirning hindi-tinch okyanda xitay bilen toqunushning muqerer yaki emesliki heqqidiki soalgha: «héchqandaq sheyiy muqerer emes. emma, amérikaning qaide-pirinsiplargha tayanghan xelqaraliq tüzüm üchün, ittipaqdashliri bilen bir-birini qollishi kérek» dep jawab berdi.
u sözini mundaq dawamlashturdi:
«xitayning yéqinqi yillarda öz ichide we rayonda urushqaq pozitsiyede boluwatqanliqi heqqidiki endishelirimizni rtaqlashtuq dep oylaymen. töt terep ittipaqi, kélechekning qandaq bolidighanliqigha munasiwetlik ijabiy qarash we ornitish üchün intayin köp waqit serp qilip, ghayet zor tirishchanliqlarni körsetken qaide-pirinsiplarni asas qilghan xelqaraliq tüzümni qoghdash wedisi bilen birleshken.»
xitay tashqi ishlar ministirliqi amérikani bashqa döletlerni amérika démokratiyesining ölchemlirini qobul qilishqa mejburlash üchün töt terep ittipaqidin paydilinish bilen eyiblidi.
